Vieiros

Os presidente venezolano, colombiano, e ecuatoriano, Hugo Chávez, Álvaro Uribe e Rafael Correa, respectivamente deron por resoltas as súas diferenzas con apertóns de mans nun xesto de compromiso por traballar en favor da paz, a petición do mandatario dominicano, Leonel Fernández.

Fernández pediu que ese xesto fose o ramo da cimeira do Grupo de Río que tivo lugar en Santo Domingo e que estivo centrada na crise diplomática rexional desatada pola operación militar que tropas colombianas levaron a cabo o sábado pasado en territorio ecuatoriano.

Chávez renova os vínculos con Colombia
Pola súa banda, Chávez anunciou que renovará os vínculos con Colombia e engadiu que vai reabrir a fronteira con país veciño así como sacar os tanques da zona.

Por outra banda, o guerrilleiro colombiano Iván Ríos, sexto no Secretariado ou mando central da guerrilla das FARC, morreu xunto con outras 23 persoas. Neste senso, Chávez dixo que posúe novas probas de supervivencia de dez reféns das FARC.