R di que xa ten o 64% da banda larga galega
O operador galego promete levar a súa fibra óptica a sete novos concellos coruñeses este ano. Ademais, tramita permisos noutras 16 localidades.
A. Dopico, director xeral de R
Padrón, Arzúa, As Pontes, Boiro, Cedeira, Pontedeume e Ribeira. As vilas destes concellos disporán de conexión a internet a través de fibra óptica antes de fin de ano, segundo adiantou hoxe R.
A medio prazo
Ademais dos municipios citados, a compañía asegura que está tramitando os permisos para furar as rúas da Pobra, Ares, Brión, Malpica, Melide, Mugardos, Neda, Negreira, Noia, Ponteceso, Pontecesures, Rianxo, Teo e Vimianzo e meter o cable.
Os detalles dos plans de R na Coruña abordáronse nun cumio directivo que o operador está a organizar en Padrón. Segundo os datos revelados nesa xuntanza, a empresa dá servizo ao 64% das conexións de banda ancha en Galiza. R cre que este dato “ratifica o avance da fibra óptica fronte ao adsl como opción preferida de alta velocidade”.
Apoio da Xunta
O operador galego de cable asegura que vai investir 51 millóns de euros na provincia coruñesa a medio prazo. R conta con subvencións da Consellería de Industria para a financiar as súas obras.
Novas relacionadas
- As conexións a internet a través de fibra óptica aumentaron un 34% en 2006
- Nun prazo de dous anos o 60% da poboación terá acceso á rede de fibra óptica
- A fibra óptica de R chegará a Redondela despois do verán
- A Rúa podería recibir o sinal de cable antes do verán
- Chega a fibra óptica a Vilagarcía
- O Concello apoia a fibra óptica de "R"
- O Grupo Gallego de Cable chámase agora 'R'
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto