Vieiros

De novo, fin de semana de éxitos para o atletismo galego, sobre todo para o da base. Este domingo desenvolveuse o Campionato Galego xuvenil e cadete nas pistas do Pazo dos Deportes da Coruña.

Na competición houbo marcas moi destacadas, sobre todo a de Antía Martínez Queimaño, do Porriño, que conseguiu unha nova mellor marca galega na proba dos 50 metros, cun rexistro de 7,94. A outra mellor marca conseguiuna Sonia Becerro Fernández, de Narón, en triplo salto, marcando os 10,88 metros.

Éxito tamén nos veteranos
Por outro lado, o atletismo veterano galego volveu destacar a nivel estatal. O atleta vigués Elías Domínguez converteuse este domingo en Subcampión Estatal de Maratón, aos 35 anos, cun rexistro de 2 horas 16 minutos e 7 segundos. Domínguez entrou en sexta posición, por detrás do vasco Asier Cuevas. O outro galego na competición, o ourensán David Rodríguez, foi cuarto.