Vieiros

Finalmente confirmouse que o mal que facía a Iván Raña retorcerse de dor era unha luxación no seu ombreiro, e non unha fractura de clavícula como se temía nun primeiro momento. Esta lesión manterá ao ciclista ordense de baixa durante, aproximadamente, dúas semanas, segundo informou o Xacobeo Galicia. Isto supón unha pequena parada no seu despegue como ciclista profesional. Segundo Álvaro Pino o incidente produciuse cando " un ciclista do Liquigas foi a sacar un chuvasqueiro e provocou unha caída de cinco ou seis corredores na que se viu envolvido Iván".

Iván Raña cumpría en Mallorca a súa primeira carreira como ciclista profesional, despois de pasar case 10 anos asentado entre a elite mundial do triatlón. Agora o proceso de aclimatación de Raña á nova disciplina terá que agardar, polo menos, as dúas semanas que o seu ombreiro precisará para recuperarse.