Vieiros

O seleccionador iraniano Ali Daei aproveitou a recente vitoria do seu combinado sobre China, en Teherán, o pasado venres para reprimir aos medios sobre o trato que dan aos resultados do seu equipo. Daei laiouse das críticas que recibiron despois da derrota contra Galiza no que, malia a derrota, el considerou "unha das mellores actuacións do equipo nacional nos últimos anos".

O adestrador iraniano foi escéptico cos eloxios derivados da vitoria do seu equipo por tres goles a un contra o combinado chinés. Daei afirmou que agora están centrados no enfrontamento directo contra Corea do sur que xogarán o vindeiro día 11 de febreiro, tamén en Teherán, e no que se xogarán unha parte importante das súas opcións de estar no vindeiro mundial de sudáfrica.