Vieiros

Nas pistas do CGTD de Pontevedra, Javier Rosales, da Sociedade Ximnástica, proclamouse Campión Galego Absoluto de Probas Combinadas, ao chegar aos 6.150 puntos. Na categoría feminina a campioa foi María Murado (ASN), quen xuntou 3.319 puntos.

Tamén levaron medalla Santiago Ferrer (na categoria júnior), Juan M. Novo (de ouro en octahlon júnior) e Antonio Molina (en heptathlon, cadete). Entres as mozas destacou a actuación de Leticia Gil na categoría xuvenil. Polo seu lado, Sonia Beceiro tamén conseguiu o campionato na categoría cadete en exathlon, marcando unha nova mellor marca galega da categoría.

Son de destacar, ademais, os 5.886 puntos conseguidos por Xulio Ventín no coeficiente para veteranos, o que supón unha nova mellor marca estatal na categoría M45.

Mellor marca para Isaac Vicente
Ademais, esta fin de semana destacou a marca acadada polo atleta do Marathón Isaac Vicente, quen enviou o artefacto a 68,01 metros, durante o encontro internacional promesa que se desenvolveu en Lingoisheim (Francia). A anterior mellor marca tamén era del, e estaba nos 67,41 conseguidos o mes pasado en Avilés (Asturias) no Campionato Estatal de Federacións.