Vieiros

Cesamento a petición propia ou á forza? A versión oficial da Xunta é que o até o de agora número dous da Consellaría de Educación, Xosé Luís Vázquez Fernández, foi substituído por “petición propia” debido a motivos “familiares”. Mais dende a oposición, o deputado socialista Guillermo Meijón deu por feito que se trataba dun cesamento en toda regra e díxolle a Feijoo que se equivocaba de obxectivo xa que a quen tiña que substituír era ao conselleiro Xesús Vázquez.

Xesús Oitavén Barcala é dende este mesmo xoves o novo secretario xeral de Educación. Natural de Cotobade, é licenciado en Dereito e até o de agora estaba traballando como auditor no Consello de Contas.

Vázquez Fernández, unha xestión sen protagonismos
Vázquez Fernández (Ourense, 1953) era un alto cargo que se mantiña  nun segundo plano. De feito, como confirman os sindicatos, non era habitual a súa presenza nas reunións cos representantes do profesorado, algo que si acontecía noutras lexislaturas.