Vieiros

O datos económicos do terceiro trimestre de 2009 presentados este mércores polo Instituto Galego de Estatística volven confirmar un descenso na actividade. Con respecto a 2008, a economía reduciuse un 3,6 mentres que na taxa intertrimestral baixa un 0,4. No conxunto do Estado Español os malos datos son incluso un pouco máis acentuados: cunha caída dun 4% na taxa interanual, aínda que se modera a baixada do PIB con respecto ao segundo trimestre.

No caso do noso país, O PIB descende por cuarto trimestre consecutivo. Os sectores agrario e pesqueiro experimentaron unha caída do 6,6% no terceiro trimestre mentres que o industrial tivo unha taxa negativa de -12,7%. Tamén o sector enerxético ten datos negativos:-5,3%.