Vieiros

Dende 2008 a Dirección Xeral de Patrimonio Cultural tramita un expediente para a declaración de Rinlo como Ben de Interese Cultural, na categoría de lugar de interese etnográfico. Aínda que a esta parroquia de Ribadeo lle sobran argumentos para lograr esta catalogación, os promotores da iniciativa son conscientes da necesidade de seguir concienciando aos propios veciños da importancia do patrimonio propio.

Un dos mellores exemplos destas campañas pódese ver até o vindeiro 30 de agosto no forte de San Damián (Ribadeo). Alí, o fotógrafo local Fernando Páez ten unha exposición que pretende resaltar a singularidade e os valores patrimoniais desta parroquia mariñeira. As imaxes falan por si soas. A exposición está aberta ao público de 11.30 a 13.30 e de 16.30 a 20.30 horas.