Vieiros

Atribúeselles a expertos informáticos voluntarios do movemento Falun Gong, prohibido polo goberno chinés, o deseño dos sistemas que en China permiten a milleiros de internautas navegar a rede esquivando os fechos e controis impostos pola administración daquel país.

China e Irán son dous dos exemplos onde maior éxito conseguiron as ferramentas deseñadas para escapar do control gobernamental. Plataformas como o Global Internet Freedom Consortium ou o Tor Project fornecen de buratos para permitir a libre navegación dos cidadáns. Visitar diversas páxinas bloqueadas polas administracións ou enviar correos electrónicos sen que os equipos censores revisen e peneiren o seu contido, son algunhas das actividades a prol das que os cibervoluntarios traballan.

Recomendámoslles a reportaxe que sobre o asunto publica o diario estadounidense The New York Times.