Vieiros

A Lei de Medidas Fiscais e Financeiras, que acompaña os Orzamentos da goberno de Cataluña para 2009, achega a posibilidade de desgravar do IRPF as axudas que se fagan ao Instituto de Estudos Cataláns (IEC) ou a outras entidades dedicadas ao fomento da lingua dese país.

Mediante esta lei, que acaba de pasar o seu primeiro trámite parlamentario, os cataláns que colaboren con estas entidades poderán desgravar do tramo autonómico do IRPF até un 15% das doazóns que fagan para axudar ao fomento do catalán, como xa se fai coas cantidades que se achegan a outros organismos sen ánimo de lucro.

'Embaixadas'
Esta norma prevé que delegacións da Generalitat no exterior gocen de autonomía económica e financeira. É dicir, terán o seu propio orzamento independente do departamento que as creou, a Vicepresidencia, que dirixe Josep Lluís Carod-Rovira (ERC). Na actualidade, Cataluña conta con tres (Berlín, Londres e París), mais prevé a creación nesta lexislatura doutras catro (Nova York, México, Bos Aires e Beixín).