Vieiros

O programa está especialmente dirixido aos rapaces, e de feito a Consellaría de Cultura iniciou a campaña en 2006 repartindo libros nas salas de espera dos servizos de pediatría. En 2008 incorpóranse 16 novos centros á iniciativa, entre eles os de Bergondo, Guísamo, Arca e Redondela, onde comeza este xoves. Ademais, haberá material de lectura nos centros de saúde en Oleiros, Rianxo, Carballo, Cedeira, Poio, Meis e Illa de Arousa, Monterroso, Barbadás, Xunqueira de Ambía, Caldas de Reis, Cuntis e Salvaterra do Miño.

Nos servizos de pediatría diporase dun punto de lectura, con libros e información sobre as condicións de uso. Os usuarios poderán coller os libros libremente, que estarán dirixidos, principalmente, a idades novas e conterán abondosas imaxes. Para o mantemento cotiá e a actualización dos fondos, a Consellería contará coa colaboración das bibliotecas municipais.

Na actualidade, xa dispoñen destes puntos de lectura Cambre, Perillos, Milladoiro, Ribadeo, Monforte, Allariz, O Carballiño, O Barco de Valdeorras, Baiona, Moaña, Tui, Vilagarcía de Arousa, Ortigueira, Miño, Melide, O Pino, Outes, Culleredo, Coirós, Chantada, Ribadavia, O Grove, Lalín, Ponteareas, O Rosal, Mos e Salceda de Caselas.