CONTA ATRÁS PARA O APAGAMENTO DIXITAL
Os veciños da Fonsagrada reciben descodificadores de TDT de balde
Esta semana, o concello comeza a repartir 2.000 aparellos financiados polo Goberno.
Redacción - 19:30 17/03/2008
A Fonsagrada afronta a recta final para a televisión analóxica, que desaparecerá no concello o 5 de abril para dar paso exclusivamente á TDT. Entre o luns e o martes comézanse a repartir de balde descodificadores de TDT por parte do Concello e Protección Civil. En total repartiranse 2.000 aparellos financiados pola Xunta.
Segundo informou o alcalde, Argelio Fernández, xa están a emitir en dixital os dous principais reemisores do municipio, ademais doutros cinco máis pequenos, para acadar a cobertura mínima do 98 por cento. Tamén asegurou que os veciños están "moi ilusionados" pola nova tecnoloxía, dado que a vila "sempre se caracterizou por ter unha mala cobertura do sinal de televisión".
Agora, os veciños da Fonsagrada poden acceder a 25 canles de televisión e 11 de radio, ademais de servizos interactivos.
O concello da montaña luguesa será o primeiro do Estado Español en dicirlle adeus á televisión analóxica grazas a un proxecto piloto.Agora, os veciños da Fonsagrada poden acceder a 25 canles de televisión e 11 de radio, ademais de servizos interactivos.
Porén, no servizo web onde se indican as zonas onde se pode recibir a televisión dixital, tdt.es, A Fonsagrada segue a figurar "sen cobertura".
Novas relacionadas
Sen comentarios
Novo comentario
É preciso que te rexistres para poder participar en Vieiros. Desde a páxina de entrada podes crear o teu Vieiros.
Se xa tes o teu nome en Vieiros, podes acceder dende aquí:
Se xa tes o teu nome en Vieiros, podes acceder dende aquí:
Canais:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto