Vieiros

A Direcção-Geral de Saúde, DGS, do goberno portugués recibiu este venres a notificación da autopsia realizada ao rapaz de 14 anos morto o pasado mes de abril no Hospital de San Marcos, en Braga. A analítica confirma a sospeita de que o cativo falecera debido á variante máis grave da doenza de Creutzfeldt-Jacob. Trátase da primeira morte en Portugal debido a esta enfermidade.

Caracterizada pola dexeneración dos tecidos cerebrais, a variante tradicional da Creutzfeldt-Jacob é máis habitual e en Portugal diagnostícanse nualmente unha media de até dez casos, habitualmente en persoas de idade avanzada. Porén, a variante humana do mal das vacas tolas máis agresivas é o tipo de enfermidade de Creutzfeldt-Jacob atopado no rapaz nado en Famalição e morto en Braga hai tres meses. Este tipo específico considérase que está relacionado co consumo de carne de bovino.