Vieiros

Nas últimas semanas, o documento que pide a adhesión á candidatura amazónica para o Foro Social Mundial comezou a circular entre grupos e colectivos sociais, co obxectivo de que sexa considerado polo comité organizador do evento que decidirá o próximo mes de xuño sobre a sede final.

A proposta estabelece que a sede física do encontro sexa a cidade de Belém e as asociacións que a promoven subliñan que non debería entenderse como unha candidatura unicamente brasileira. "Reunindo nove países, a rexión amazónica xa ocupa un lugar simbólico como centro dos debates mundiais sobre as consecuencias do quecemento global resultantes do uso insustentábel dos recursos do planeta", argumentan.

Destacan que os riscos de destrución forestal, a rica biodiversidade en perigo e tamén a súa "sociodiversidade, representada nas súas poboacións tradicionais e indíxenas" amosan que "outr mundo é posíbel e urxente".