Vieiros

A entrada de Romanía e Bulgaria na Unión Europea o pasado 1 de xaneiro deixou en Galiza o cambio de estatus de máis de dous mil inmigrantes que residen no noso país. En total, e segundo datos do Ine, son 2047 os romaneses e búlgaros residentes en Galiza que coa entrada do ano novo pasan a engrosar a porcentaxe de inmigrantes da Unión Europea dentro das nosas fronteiras, que supera en cinco puntos a media estatal (un 25% fronte o 20% do resto do Estado). Os novos cidadáns da Unión en Galiza supoñen un 2,9% da poboación estranxeira. Os romaneses son maioría neste sentido con 1.687 residentes mentres que a poboación búlgara a forman só 360 persoas. A entrada de Romanía, con 21 millóns de cidadáns, e Bulgaria con sete, amplía o espazo europeo a máis de 500 millóns de persoas, dun total de 27 países.

• Un de cada catro inmigrantes procede da UE
• Romanía e Bulgaria xa forman parte da Unión Europea