Vieiros

No primeiro trimestre de 2007 entrará en funcionamento o novo proxecto de Jimmy Wales, coñecido promotor da Wikipedia. Trátase dun motor de busca para internet, bautizado Wikiasari. "A procura é parte fundamental da infraestrutura de internet", opina Wales na web do proxecto, reflexionando que na actualidade sofre dos mesmos problemas que o software propietario: falta de liberdade, comunidade ou transparencia. Fronte a esa situación, propón aproveitar a forza da colaboración entre os internautas para construír un procurador de webs que funcione colaborativamente. De inspiración colaborativa xa foi o proxecto Dmoz, que de feito constitutiu a base da que Google se aproveitou para o seu buscador. Máis en The Times.