Vieiros

A Asociación de Internautas vén de poñer a disposición do público na súa web o informe da CMT sobre Internet, coas recomendacións que fai o organismo regulador en relación ao desenvolvemento da rede no Estado español. Nel a CMT asegura que o ADSL só favorecerá a unha minoría e reclama opcións realmente asequibles para o público normal e extender o uso da Internet. Segundo este organismo Internet é un fenómeno económico e social que debe extenderse a todos os sectores da poboación para que non se creen novas desigualdades. Correspóndelle, polo tanto, ao Goberno pór en marcha medidas necesarias para rebaixar o prezo do seu acceso, principal causa do atraso que sufrimos a ese nivel.