Faino sen avisar

Enviado por esquerdagalega o día 10.03.2009

Non me espertes. Deiche unha copia das chaves para que entrases así, ás catro da mañá sen avisar. De abaixo a arriba a túa lingua polas coxas, de arriba a abaixo pola beira da miña cuncha. Sen avisar. Non precisas das mans máis que para me termar dos peitos, para apertar os pezóns, para xiralos, para dobralos, para me facer dano e, asido a eles, rubir pola miña barriga até me lamber os beizos. Así, faino sen avisar. Dáme a volta e déitate sobre min, sepárame as pernas, métema por detrás. Non me espertes, faino sen avisar.