Eles

Enviado por Picara o día 27.03.2009

Eles miráronse intensamente créndose refuxiados pola escuridade da noite. Desexáronse desesperadamente créndose amparados polo silencio dun lugar afastado. Bicáronse bruscamente e comezaron a espirse ansiosos.

Uns ollos curiosos observaban ó lonxe o sincronizado e violento baile entre os dous amantes. Un co seu peito pegado á parede, o outro tratando de frear o arroubo causado pola excitante situación. Os xemidos entrecortados encheron o aire unhas ruborizadas fazulas sorriron mirando ó ceo, devolvendo a violada intimidade dun espazo ó aire libre.